يوم من صبعي..

النهرده كان يوم مميز جدا اقدر اقول انه يوم من " صبعي" ايوة فعلا لإني حسيت بقيمة صبعي وإنه ليه لازمة مش بس للامتحانات والكيبورد وخلاص ..

أنا رايحة أقول رأيي 

:)

رأيي اللي اتوصلتله واللي هصوت بيه .. مهما قالولي غيري .. يا جماعة ده رأيي .. أول مرة الواحد يحس إن رأية مهم كده .. واخدة قرار ومقتنعه بيه وحاسة إنه حقيقي .. مش مهم النتيجة هتطلع نعم أو لأ 

وشفت الناس لأول مرة مبتسمة وسعيده .. كان الموضوع باين كإنه يوم عيد .. 

وصلت اللجنة طابور سيدات وطابور رجال ..ياسلام كانت فين الطوابير دي من زمان 

:)

ولما وصلت عند المدخل جه راجل عجوز واستأذن من ضابط الجيش وسلم عليه ويقوله : انتو اخواتنا .. إحنا بنحبكم .. انتو حبايبنا 

وكلمة حق : لم أرى أروع من جيش بلادي 

:)

ودخلت واخترت وغمست صبعي في الحبر الفسفوري .. أحلى حاجة إنه كان بمبي .. بناتي أوي اللون 

:P

ولما رجعت البيت طبعا إديها تصوير تصوير ثم تصوير للصبع المغوار اللي غطس في الحبر الفوسفوري وطلع يفخر بما عمله .. بحبك يا صبعي أوووووووي 

ولو صباعك مش بمبي .. متجيش جمبي 

:)))))

.....................

المفروض الكلمتين دول يتكتبوا بعد كلمة عن الثورة ولكن عذرا.. عجزت أن أكتب ما يليق بثورة بهذا الحجم ..

رحم الله شهداء الحرية