أنا فيلسوف
عايش أشوف
الناس العاقلة
في وسط هايفة
واللي ما بين
الأمل واليأس
واللي بتلعن
في الظروف
..
أنا فيلسوف
زهقت من العتمة
والضل والتضليل
وزهقت مالزحمة
والعلم والتعليم
ومش عارف
أنام الليل
عشان عايش
قلق تفكير
على المهابيل
على المساطيل
اللي ماسكين الكراسي
واللي لازقين بالأمير
هيعملوا في الشعب إيه
دبحوا الغلابة
زي الخروف
...
أنا فيلسوف
دخلت كلية مقمقمة
من القمة يعني
متأقلمة ويا الفلوس
وادفع وهات وجيب
وانزل اتدرب وسيب
شهادتك في الدولاب هتجيب
وظيفة مميزة
وبعد التخرج
اطحنت واتفرمت
ولقتني في الأخر
شايل رقم ييجي بالألوف
وسط الصفوف
...
أنا فيلسوف!
ومش هخاف من بكرة
لما الليل يخيم
والكون يضلم
عشان فجر اليوم اللي جاي
يقدر يقرب
من غير كسوف
...
انا فيلسوف!
شايف خضار الشجر
وزرقة المية اللي جارية
وبين الخضرة والزرقة
قاعد على الشط الطويل
بكتب حروف
خطي وحش
عارف ..
قالولي ان العباقرة
كده
ميهمهاش خط الكفوف
لكن بتفهم في الحروف
بتحب تضحك عالظروف
وانا عبقري
وبحب أشوف
مش فيلسوف
:)
تحذير: هذه الأشعار والمواهب دائما ما تخرج في حالة ال
bad mood
كمحاولة للتغلب عليها
